Dell 2025-ci il CES sərgisində mühüm dəyişikliklər etdiyini elan etdi. Şirkət, XPS, Inspiron və Latitude markalarını sonlandıraraq yeni bir adlandırma sisteminə keçid edir. Bundan sonra Dell Plus, Premium, Pro və Pro Max adları istifadə olunacaq.

XPS və Inspiron ilə vidalaşırıq

Dell-in məqsədi məhsul çeşidini sadələşdirmək və müxtəlif seqmentləri daha aydın şəkildə ayırmaqdır. Apple-ın "Pro" və "Max" terminlərindən ilhamlanaraq müştərilərin məhsul kateqoriyalarını daha rahat anlamağını təmin etmək hədəflənir. Yenilənmiş adlandırma sxemi aşağıdakı kimidir:

• XPS – Dell Premium

• Inspiron Plus – Dell Plus

• Inspiron – Dell

• Latitude – Dell Pro (Pro Plus, Pro Premium)

• Precision – Dell Pro Max (Pro Max Plus, Pro Max Premium)

Yeni adlandırma sisteminin məhsul qruplarını müəyyənləşdirməkdə köməkçi olsa da, çoxsaylı əlavələr bəzi hallarda çaşqınlıq yarada bilər.

CES 2025-də təqdim edilən yeni noutbuklar

Dell-in yeni adlandırma sistemi ilə CES 2025-də təqdim etdiyi noutbuklar arasında Dell Pro Premium 13 və Pro Premium 14 modelləri xüsusi maraq doğurur. Dell Pro Premium 13, cəmi 1.07 kq  ağırlığı ilə ən yüngül iş noutbuklarından biridir. Həmçinin, 21 saatlıq batareya ömrü ilə diqqət çəkir. Pro Premium 14 isə OLED tandem ekran texnologiyası ilə təchiz edilmiş ilk iş noutbukudur.

İstehlakçı seqmentində isə Dell 14 və 16 Plus (əvvəlki Inspiron) modelləri tanış dizaynları ilə fərqlənir. Keçmiş XPS olan Dell Premium seriyası isə əvvəlki görünüşünü qoruyur.

Dell Pro 13 və 14 Premium artıq satışa çıxarılıb, lakin qiymətlər hələ açıqlanmayıb. Dell 14 və 16 Plus isə 18 fevralda 999 dollar  start qiyməti ilə təqdim ediləcək. Dell Pro Max 14 və 16 modellərinin isə mart ayında bazara çıxarılması gözlənilir