Samsung Galaxy S25 seriyasının qabaqcıl modeli Galaxy S25 Ultra haqqında bütün məlumatlar açıqlandı. Xüsusiyyətlər, buraxılış tarixi və daha çox detallar burada…
Samsung-un növbəti Galaxy Unpacked tədbiri üçün geri sayım başladı. Bu seriya ilə bağlı bir çox məlumatlar artıq ictimaiyyətə çatıb və gözləntilər barədə az sual işarəsi qalıb. Ən son sızıntılar Galaxy S25 Ultra-nın tam xüsusiyyətlərini üzə çıxardı. Məlumatlar isə etibarlı mənbədən gəlir.
Məşhur mənbə Roland Quandt-a görə, Galaxy S25 Ultra 120Hz yeniləmə sürətinə və FullHD+ keyfiyyətli Dynamic AMOLED 2X LTPO ekranına sahib olacaq. Ekran 2.600 nit parlaqlıq, dəyişən yeniləmə sürəti və HDR10+ dəstəyi təqdim edəcək. Dizayn baxımından isə əvvəlki modeli təkmilləşdirəcək.
Telefonun ölçüləri 162,8 x 77,6 x 8,2 mm olacaq və cəmi 219 qram ağırlığında. Müqayisə üçün, Galaxy S24 Ultra 232 qram ağırlığında idi. Bu, daha yüngül, incə və kompakt bir dizayn deməkdir.
S25 Ultra, Android 15 əsaslı One UI 7.0 ilə təqdim ediləcək. RAM və yaddaş variantları isə belədir: 12GB/256GB, 16GB/512GB və 16GB/1TB. Cihaz Snapdragon 8 Elite çipsetindən güc alacaq. Şarj texnologiyası da inkişaf edib: 45W sürətli şarj və 25W simsiz şarj dəstəyi ilə gəlir ki, bu da əvvəlki modeldən 10W daha güclü simsiz şarj deməkdir.
Sızdırılan mətbuat şəkillərinə əsasən, Galaxy S25 seriyasının 22 yanvar 2025-ci ildə təqdim ediləcəyi gözlənilir. Həmçinin, şəkillərdə seriyaya aid Galaxy S25 Slim adlı dördüncü bir model də yer alır.
