Microsoft xəbərdarlıq etdi: Windows 10 üçün son tarix yaxınlaşır

Microsoft tərəfindən yayımlanan son açıqlamaya görə, Windows 10 əməliyyat sistemi üçün yenilənmə müddəti rəsmi olaraq 14 oktyabr 2025-ci il tarixində sona çatacaq. Bu da deməkdir ki, 2015-ci ildən bu yana milyonlarla istifadəçi tərəfindən sevilərək istifadə olunan bu sistem təhlükəsizlik yeniləmələri və texniki dəstək almayacaq.

Windows 10 üçün geri sayım artıq başlayıb. Microsoft-un paylaşdığı məlumatlara əsasən, bu dəyişiklik təxminən 240 milyon istifadəçiyə təsir edəcək. Əgər sizin kompüteriniz Windows 11 tələblərinə uyğun deyilsə, qarşınızda üç seçim var:

1. Mövcud kompüterinizi təkmilləşdirmək (hardware upgrade)
2. Windows 11-lə uyğun yeni bir kompüter almaq
3. Alternativ əməliyyat sistemlərinə keçmək

Microsoft-un verdiyi açıqlamada vurğulanır ki, yeniləməsiz qalan sistemlər kiber təhdidlərə qarşı zəif olur. Şirkət bunu “sisteminizi açıq qapıdan hakerlərə təqdim etmək” kimi dəyərləndirir. Bu səbəbdən də Oktyabr 2025-dən sonra Windows 10 istifadəçiləri ciddi risk altında ola bilər.

Kurumsal istifadəçilər üçün xüsusi yenilənmə proqramı təqdim olunacaq. Belə ki, şirkətlər və dövlət qurumları Windows 11-ə keçə bilməyən cihazlar üçün ödənişli və genişləndirilmiş yenilənmə paketindən istifadə edə biləcəklər. Amma bu xidmət yalnız korporativ müştərilərə şamil olunur.

Əgər hələ də Windows 10 istifadə edirsinizsə, artıq vaxtdır ki, alternativləri nəzərdən keçirin. Təhlükəsizlik və davamlı yenilənmə üçün Windows 11-ə keçid vacibdir!

Texnologiyadan xəbərdar olmaq üçün Telsat Xəbərləri izləməyi unutmayın.